微信
朋友圈
微博
腾讯微博
QQ空间
QQ
无锋难起浪曼城半和秤仙
今晚另一场瞩目大战，曼城主场斗阿仙奴，亦係两军主帅兼师徒哥迪奥拿与阿迪达交锋。曼城出闸脱脚，阿古路啱啱好番未必有态，咪旨意佢做救世主；近年联赛碰头「兵工厂」输得太多，作客必先做好防守，加上近期旺半场和，值得再追。
奇云迪布尼唔出得
曼城自联赛开咧战击败狼队后，先喺主场惨败畀李斯特城2比5，随后作客列斯联只能和1比1，罕有咁连续2场联赛失分。之后嘅国际赛期奇云迪布尼受伤退队，哥迪奥拿已证实佢唔出得，虽然养伤多时嘅箭头阿古路已经复操，据报会先任后备，不过状态难有保证，对于崇尚进攻嘅「蓝月亮」嚟讲，欠缺正宗前锋，继续用史达宁装「假9」，绝非上策。
阿仙奴开咧4场获3胜1负，新加盟嘅汤马士柏迪今仗甚有机会登场，不过佢哋近6次联赛对曼城输晒，主帅阿迪达唔敢轻举妄动必先巩固防守，何况「达Sir」属稳阵派，连盃赛在内近5场有4次开半场和，再追可也。
微信
朋友圈
微博
腾讯微博
QQ空间
