微信
朋友圈
微博
腾讯微博
QQ空间
QQ
最激默郡打吡拖肥升呢抗红军
超级星期六过足波瘾
经过两周国际赛期，英超周六回归即上演「超级星期六」好戏码！先嚟「默西赛德郡打吡」，然后车路士、曼城、阿仙奴及曼联等「Big 6」轮流登场，等球迷过足波瘾！头场爱华顿主场斗利物浦，「拖肥」近年于主场出战打吡不落下风，加上喺领队安察洛堤打造下，开季7连胜弗到爆偈，对住后防有隐忧嘅「红军」可立不败之地，必捧让球主胜。
爱华顿近年成绩虽唔及同市死敌利物浦，但对上8季联赛喺葛迪逊公园球场碰头，「拖肥」只输过1次，而且嗰场仲要力战至补时先失守仅输0比1。佢哋今季加入占士洛迪古斯、阿伦卢利奥及杜哥利3大中场后全面「升呢」，联赛连盃赛7连胜，成为球会自1894/95球季以来最佳开季，唔少球迷开始期望「拖肥」可一搔34年之痒，赢得顶级联赛冠军，如果今场赢波，就证明佢哋有咁嘅本事。
今季首战英超嘅「J神」占士洛迪古斯尽显身价，联赛已交出3个入球及2次助攻，其超卓表现造就前锋卡维特利云大爆发，后者今季攻入9球，其中联赛以6球同孙兴民并列射手榜首位，佢同「肥安」更获选英超9月份最佳球员及领队，成队波目前信心处于顶点。
利物浦防线不复往昔
利物浦喺国际赛前作客阿士东维拉大败2比7，嗰场因确诊新冠肺炎而避战嘅堤亚高艾简达拿及沙迪奥文尼，据报已康复有望复出，不过「红军」大败主因，係后备门将阿祖安卡斯迪路初段送礼，打击一众后防球员嘅信心，首席门将艾利臣比加继续缺阵，阿祖安随时再成负累。「红军」今季防线稳健不如往昔，加上拿比基达早前代表畿内亚时又告确诊，中场防守力再受打击，面对开季7战轰24球嘅「拖肥」，恐难保不失，「红军」作客让波信唔过，让球主胜抵玩。
微信
朋友圈
微博
腾讯微博
QQ空间
