歐聯：哀兵上陣勝利船細孤力弱_東方日報
特别贴士
2025-11-27 23:34:33
亞冠精英盃A組，排榜首嘅日職勁旅神戶勝利船，作客中超球隊FC上海。神戶勝利船近況有所下滑，啱啱喺日皇盃決賽飲恨，今場哀兵上陣肯定唔敢托大，只求贏波振奮士氣，踢法會穩中求勝，2.5球嘅入球細值得捧場。（HOY 76台周三晚8時15分直播）文:工廠仔
神戶勝利船喺日職衞冕失敗後，上場日皇盃決賽亦輸畀町田澤維亞，目前士氣低落。神戶勝利船季尾賽事疲態畢露，所以近期比賽多數先鞏固防務，近4場比賽有3場總入球開2球或以下。
神戶勝利船依家最大希望，放晒喺亞冠盃賽場，目前4戰3勝排榜首，近2場亞冠盃勝仗包括1比0贏墨爾本城同1比0擊敗蔚山HD，喺球隊狀態、體能、士氣都唔係最佳狀態下，為求3分絕對唔介意再「煲魚生粥」。
FC上海主場都唔會冒進
FC上海目前4分在手，所有分數都係喺主場拎到，包括2比0贏FC首爾同1比1和蔚山HD，今場面對強敵，仍然會以1分為目標，繼續以守為攻，預料今場戰況會出現拉鋸，開中位數2.5球嘅入球細機會高。
