歐聯：臨危搶芬利物浦要大翻身_東方日報
特别贴士
2025-11-27 23:34:34
英超落難豪門利物浦將繼續於晏菲路主場出擊，喺歐聯迎戰荷甲「1哥」燕豪芬，「紅軍」上仗聯賽主場慘吞諾定咸森林3蛋，引發信心危機，主帥施洛需要一場「救命波」止瀉，今場勢必大舉進攻；燕豪芬識攻唔識守，加上近5次歐聯對英超球隊4次開4球或以上，首選3.5球入球大。（Now 639周四凌晨4時直播）文:邪神
利物浦近期成績波動，聯賽2連敗，對曼城同諾定咸森林都輸0比3，近7場聯賽輸6場，據報連場失利令領隊施洛逐漸失去更衣室支持，隊長華基爾雲迪積克更直指部分球員欠缺鬥心，出現信心危機。
聯賽幾差都好，慶幸嘅係「紅軍」喺歐聯未受太大影響，暫時4戰獲3勝，繼續處於有利位置，不過餘下賽程絕對不能掉以輕心，施洛來自荷甲，對燕豪芬有足夠認識，搵資料同研究對方踢法都相對容易，今場將全力搶攻博反彈，贏唔贏未知，但入波唔會少。
燕豪芬識攻唔識守
燕豪芬喺荷甲一枝獨秀，但歐聯賽場表現飄忽，4戰獲1勝2和1負，一般認為該隊只屬陪跑，但睇番佢哋一有機會就喪攻，試過大炒拿玻里6比2，今場對住落難嘅利物浦，冇理由唔踩多腳，而且佢哋對親英超球隊例多波入，入球大放心捧。
