美公開盃：ＦＣ洛杉磯夠進取半場贏得_東方日報

特别贴士 2024-05-21 19:24:01

美聯盃16強，ＦＣ洛杉磯主場迎戰勞頓聯。ＦＣ洛杉磯近況甚佳，近5場4勝1負，上場作客2比0擊敗聖路易城ＳＣ，而且4場勝仗都先入波，可見佢哋踢法相當進取，今場對低組別嘅勞頓聯，勝望極濃，一於用半場主勝做過關變倍器。（周三早上10時30分開賽）

ＦＣ洛杉磯上季美職季後賽決賽落敗，衞冕功虧一簣，今季捲土重來保持好表現，現時排聯賽總成績第10，西岸排第5，佢哋近年簽入多位球星，包括前皇馬翼鋒加里夫巴利，協助球隊贏得2022年美職總冠軍，現時為球隊把關係前熱刺門將洛里斯，稍後仲會有另一法國射手基奧特來投，簽咁多猛人，爭標自然唔會手軟，美職盃相信亦係目標之一。

鬥弱旅必主動搶攻
ＦＣ洛杉磯近況唔錯，上圈3比1淘汰拉斯維加斯燈火後，返到聯賽就連贏溫哥華白帽同聖路易城ＳＣ，挾3連勝走勢出擊，要擊敗勞頓聯相信難度不大，再睇佢哋主場表現，近5次主場4次半場領先，預計今場亦會快刀斬亂麻，半場領先機會大。

上一篇：瑞典超：近4戰3勝狀態勇米贊比做奪堡奇兵_東方日報

下一篇：瑞典超：近4戰3勝狀態勇米贊比做奪堡奇兵_東方日報