特别贴士

瑞典超：近4戰3勝狀態勇 米贊比做奪堡奇兵_東方日報

特别贴士 2024-05-21 19:24:01
周三凌晨瑞典超賽事，哥登堡主場迎戰米贊比。傳統勁旅哥登堡今季表現持續低迷，依家身處尾2嘅危險區域，再係咁落去降班都有份，球員愈踢愈冇信心；相反米贊比開季令人眼前一亮，近期頻頻奏捷進佔聯賽榜前列，正所謂寧買當頭起，今場可以直取客勝。（周三凌晨1時開賽）

哥登堡主力受傷
哥登堡今季頭頭碰着黑，最近6場聯賽只得1勝，上場對天狼星兩度落後下追和2比2，但後防主將馬迪亞斯祖漢臣重傷，要被擔架抬離場，情況不太樂觀，而丹麥中場派尼特亦喺半場傷出，兩名主力受傷令球隊實力受挫。哥登堡今季主場成績差勁，近4次聯賽主場只得1和3負，加上主力缺陣，今場想反彈唔係咁易。

相反作客嘅米贊比近期愈戰愈勇，上場聯賽3比0大勝哈馬比，近4場聯賽拎到3勝1和佳績，而且加埋入咗10球波，另外米贊比近年作客對住哥登堡表現亦唔輸蝕，對上5次作客鬥哥登堡，錄得1勝3和1負，加上依家球隊上下信心爆棚，今仗一於直取客勝。

上一篇：夏蘭特進化成關鍵_澳門日報

下一篇：夏蘭特進化成關鍵_澳門日報

发送给好友

分享至朋友圈