皇蘇穩陣波迎艦隊追半和|東方日報
特别贴士
2023-05-04 18:59:11
西甲周中快車，皇家蘇斯達主場迎戰皇家馬德里。皇蘇現時排第4，要保住歐聯資格唔可以放鬆，佢哋防守力強，今場對住「銀河艦隊」肯定會加強防守，至於皇馬踢畢今仗後就要準備西班牙盃同歐聯4強，今晚或有保留，加上雙方近6次對賽5次開半場和，半場和好路。（Now632周三凌晨4時直播）
皇家蘇斯達現時為爭奪歐聯入場券正全力搏殺，佢哋上場贏奧沙辛拿後，僅領先第5名維拉利爾5分，並無太多失分空間。好在皇蘇主場表現夠穩定，近3仗聯賽主場全勝，兼僅失1球，不容小覷，今仗回師主場又到搶分時，球隊踢法謹慎，近5仗主場4次開半場和，值得重視。
皇馬3線出擊勢輪換
皇馬季尾全力衝擊歐聯及西班牙盃兩項錦標，西甲相對上較為次要，佢哋嚟緊出戰西班牙盃決賽對奧沙辛拿，跟住就有歐聯4強火併曼城，安察洛堤今晚好大機會輪換，莫迪歷受傷，雲尼斯奧斯祖利亞同卡馬雲加停賽，正好乘機休息，再者球隊近期唯一敗仗，就係上次作客基羅納輸2比4，今仗對實力更強嘅皇家蘇斯達，會踢得更小心避免犯錯，半場和機會更高。
