車仔一肚火搵列斯聯祭旗|東方日報

特别贴士 2022-08-26 18:44:43

今晚英超列斯聯主場鬥車路士。車仔上仗同熱刺踢和2比2，過程激情四射，幾位新兵日漸融入，加上近5次碰頭車仔取得4勝1和，往績明顯佔優，客勝放心捧場。（Now621周日晚9時直播）

新兵表現對辦
車仔幾位新兵史達寧、高列巴尼及古古列拿暫時交出如期水準，高列巴尼上仗對熱刺更助攻先開紀錄，可惜球隊兩度領先下畀熱刺爭議性逼和，谷埋一肚火，遇着實力次一皮嘅列斯聯，正係洩憤好時機。車仔領隊杜曹上仗同熱刺主帥干地發生衝突，杜曹被英足總罰停賽一場及3.5萬鎊，因程序問題，今仗仲可以領軍，下場對李斯特城先要「坐波監」，至於干地就罰款1.5萬鎊，但唔使停賽。

列斯聯開季一勝一和，洛迪高兩仗入3球腳風頗順，不過佢哋對傳統「Big6」往績奇差，單計上季下半季6次交鋒全敗，共失23球之多，近年面對車仔亦往往輸波而回，今仗睇怕凶多吉少。

上一篇：巴塞格食格上盤開蘇|東方日報

下一篇：巴塞格食格上盤開蘇|東方日報