巴塞格食格上盤開蘇|東方日報

特别贴士 2022-08-26 18:44:44

今晚西甲尾場，皇家蘇斯達主場迎戰巴塞隆拿。今季殺聲震天嘅巴塞上仗大意失分，今仗唔可以再失威，撞正「私房菜」皇蘇有力打開勝利之門，小讓平半可博上盤。（Now632及611周一凌晨4時直播）

皇蘇攻力弱難靠
皇蘇首輪憑改打前鋒嘅日本新兵久保建英一箭定江山，小勝卡迪斯1比0，但對手太弱不足為據，射手阿歷山大伊沙克狀態低迷，另一箭頭奧耶沙巴爾仲係養緊傷，加上核心大衞施華已經36歲，難以場場搏盡，攻力唔多可靠，就算有地利亦不宜高估。

巴塞今夏接連簽入羅拔利雲度夫斯基等新兵，配合原有陣容，攻擊線相當豪華，但首輪同華歷簡奴只能互交白卷，有輕敵之嫌。隊長兼防中布斯基斯更被逐要坐波監，今仗或畀法蘭基迪莊擔正，進攻節奏相信會更流暢。翻查紀錄，雙方近5次聯賽碰頭巴塞全勝，明顯格食格，可望打開勝利之門，上盤穩陣。

上一篇：PSG違財政公平規則傳拒簽和解書|文匯報

下一篇：PSG違財政公平規則傳拒簽和解書|文匯報