葡萄牙主場惡打爆瑞士|東方日報

特别贴士 2022-06-05 21:56:15

今晚歐國聯Ａ2賽事，葡萄牙主場鬥瑞士。兩隊上輪都未能贏波，今仗不容再失，特別係葡萄牙要把握地利優勢，呢支2019年歐國聯盟主人腳鼎盛，整體實力凌駕對手，加上近6場主場取得5勝1負，一於再追主勝。（周一凌晨2時45分開賽）

拉菲爾利亞奧等數胡

葡萄牙陣中球星如雲，除曼聯雙星C朗及般奴費南迪斯外，今季協助ＡＣ米蘭重奪意甲嘅拉菲爾利亞奧都值得留意，呢位22歲翼鋒傳射能力俱佳，被視為C朗接班人，上仗對西班牙佢就有多次具威脅射門，今仗大把數胡機會。加上葡萄牙主場出擊極之可靠，近6仗主場贏咗5次，另外2019年歐國聯4強主場亦以3比1擊敗瑞士，心理已經佔優。

瑞士力壓意大利打入世盃決賽周，好大程度因為對手失準，並唔代表本身實力強。瑞士近3場賽事未嘗一勝，包括上仗歐國聯作客1比2不敵捷克，球員狀態滑落，遇上葡萄牙恐怕難逃一敗。

上一篇：西班牙格食格作客掃克|東方日報

下一篇：西班牙格食格作客掃克|東方日報