西班牙格食格作客掃克|東方日報

特别贴士 2022-06-05 21:56:16

歐國聯A2組次輪大戰，新升班嘅捷克主場迎戰西班牙。「狂牛兵團」喺領隊安歷基銳意年輕化下，活力十足兼愈來愈弗，上屆歐國聯奪得亞軍不容忽視，加上近年食住捷克，客勝有計。（周一凌晨2時45分開賽）

捷克多位主力缺陣
捷克自去年歐國盃決賽周後表現飄忽，年初更喺世盃外附加賽準決賽畀瑞典踢出局，令人失望。佢哋今次有多位主力缺陣，包括前鋒柏德列舒希克、中場安東連巴拿克及守將湯馬士賀利斯，攻守都大受影響，就算首輪擊敗瑞士，但面對實力高一班嘅西班牙，難佔甜頭。

西班牙今次精銳盡出，效力巴塞隆拿嘅安素法迪重傷後回歸，不過主帥安歷基唔心急用佢，皆因手上仲有大把籌碼，包括另一巴塞新星加維，首輪打和葡萄牙1比1之役，呢位中場光芒四射，預料今仗會繼續擔正，而先開紀錄嘅艾華路莫拉達，為國家隊射入26個士哥，拍住名宿布達堅奴並列「狂牛」射手榜第7位，信心大增。既然「狂牛」對上3次面對捷克全勝，格食格下再贏唔奇。

上一篇：挪威態度認真唔赦瑞典|東方日報

下一篇：挪威態度認真唔赦瑞典|東方日報