威爾斯夠穩定搶W爭晉級|東方日報

特别贴士 2022-03-24 18:37:46

世盃外歐洲區附加賽Ａ組，威爾斯主場火併奧地利。威爾斯喺分組賽8仗僅曾一敗，表現相當穩定，奧地利憑歐國聯成績取得參賽資格，實力一般，加上近3次交手威爾斯獲2勝1和，今仗可望贏波晉級，平手盤要捧場。（有線665及605台周五凌晨3時45分直播）

威爾斯喺世盃外Ｅ組以4勝3和1負排第2，僅曾作客1比3不敵比利時，其餘賽事都能交出預期水準，32歲隊長加里夫巴利第101次代表國家隊上陣，雖然佢喺皇馬甚少上陣，但以佢咁豐富嘅大賽經驗，配合丹尼爾占士及艾朗藍斯等人，仍然值得信賴。

奧地利欺善怕惡
奧地利喺世盃外Ｆ組僅排第4，憑歐國聯B1組冠軍拎到附加賽席位。佢哋喺分組賽只係贏到法羅群島及摩爾多瓦之流，面對較強對手即時現形，其中兩對以色列各勝一仗，但兩仗共失7球，反映後防不穩，靈魂阿拉巴喺皇馬表現出色，但返到國家隊就孤掌難鳴，作客威爾斯凶多吉少。

上一篇：意大利歎細界|東方日報

下一篇：意大利歎細界|東方日報