微信
朋友圈
微博
腾讯微博
QQ空间
QQ
白礼顿曼联再做大骚
英联盃周四凌晨续演4场16强赛事，3场属全英超对碰，当中白礼顿会喺主场对曼联，继上周联赛后再次交锋。白礼顿上场以2比3输畀红魔，但其实佢哋全场射中3柱2楣，表现唔失礼，今场为过关、为复仇肯定搏命，佢哋今届曾经以4比0大炒朴茨茅夫，火力一啲都唔弱，曼联上圈作客派副选桑马达、恩哈路同连格担大旗都照赢卢顿3比0，今场再斗「海鸥」，好大机会再演入球骚，2.5球嘅入球大值捧。
曼城小将孭飞冇气「细」
至于衞冕盟主曼城会作客斗般尼，曼城两大射手阿古路同加比尔捷西斯继续养伤，今场势派大量年轻球员上阵。曼城上圈主场对今季降落英冠嘅般尼茅夫，都只能险胜2比1，作客对住硬淨嘅般尼唔易应付，拣3.5球嘅入球细好路。
今季季初演出令人眼前一亮嘅爱华顿会喺主场迎战韦斯咸，爱华顿上场英联盃收起咗占士洛迪古斯、阿伦卢利奥等勐将，但有基菲尔施古臣、伊禾比依然够杀，作客大胜费列活特5比2。韦斯咸对上2圈分别大胜查尔顿及侯城，上场联赛更以4比0大炒一向擅守嘅狼队，信心爆棚，相信呢场会有唔少入波出现，捧2.5球嘅入球大。
微信
朋友圈
微博
腾讯微博
QQ空间
