微信
朋友圈
微博
腾讯微博
QQ空间
QQ
帕尔马受让博得过
今晚除英超外，仲有场意甲独脚戏，由博洛尼亚主场对帕尔马。两队联赛开咧战同样以0比2输波，今场碰头可以话係「海军斗水兵」。事实上，双方过去对赛往绩亦属五五波，近6次联赛交锋有5次打和，博洛尼亚冇本钱让波，宁捧受让嘅帕尔马让球客胜。
博洛尼亚上场作客淨吞ＡＣ米兰两蛋，更麻烦係荷兰后衞米素尔迪积斯被逐，今场停赛令球队雪上加霜，另一防守主力加利美度虽坐完越季波监复出，但状态始终存疑。进攻方面，主力射手柯苏连尼就仲未操起状态，上场踢咗57分钟已被换走，若然呢位意大利国脚未能及时重拾射门鞋，恐怕博洛尼亚难以攻破帕尔马大门。
作客嘅帕尔马今季请嚟44岁少帅利华兰尼执教，佢哋上场对拿玻里踢至中后段先失守，球员斗志唔曳。再睇埋两队近6次交手，居然出现5次和波，包括上季两循环交锋，都係打成2比2平手。由于帕尔马前锋谢云奴、门将哥隆比都有啲伤，今场唔排除更着重防守，绝对有力抢分而回，受让抵玩。
微信
朋友圈
微博
腾讯微博
QQ空间
