微信
朋友圈
微博
腾讯微博
QQ空间
QQ
西維爾頂“艦”上
西甲球會一向在歐洲球壇橫行霸道，點解咁講？因為今季歐洲超霸盃，又係兩支西甲球隊玩晒，已經連續三年，其他四大聯賽豪門只係得個“恨”字，唔好理，總之西甲好犀利。
今年爭王者之王係由皇家馬德里對西維爾，即係一四年翻版，西維爾在歐霸盃完成三連霸，遺憾在歐洲超霸盃連續兩年做“阿二”，球員當然深深不忿，第三次機會要捧盃之餘，更要向皇馬報兩年前一敗之仇，決心大過天。
論球員級數，皇馬必定在西維爾之上；不過明晨之戰，銀河艦隊將會缺乏彈藥，C朗與巴利肯定休戰，剛復操嘅賓森馬上陣機會亦唔大，BBC組合解體，中場大將卻奥斯及首席門神拿華斯同樣缺陣，最主要前線攻力削弱，火力不足下要解決西維爾未必容易。
西維爾今季大變動，不單止主帥安拿利投奔巴黎，由森柏奧利接手，球隊主力賓尼加、加美路、高基及比斯奧先後離隊，同時加入唔少新球員；不過球隊開操不足一個月，已踢過六場熱身賽兼取得全勝，球員狀態與配合似乎不成問題，初盤受讓半球／一球，西維爾值博。
推介：和波1:1
微信
朋友圈
微博
腾讯微博
QQ空间
