歐聯附：加拉塔沙雷守得雲開追細盤_東方日報
特别贴士
2026-02-17 23:42:47
歐聯附加賽首回合，加拉塔沙雷主場對祖雲達斯，土耳其勁旅加拉塔沙雷今屆對住豪門唔輸蝕，配合「地獄主場」氣勢，預料可保不敗。祖記剛於意甲惡鬥完榜首國米，隨時未回到氣，寧願歎慢板搵機會；翻查加拉塔沙雷近7次歐洲賽主場對意甲球隊，總入球全開兩球或以下，中位數2.5球入球細追得過。（Now 643周三凌晨1時45分直播）文:Mic少
加拉塔沙雷擁有唔少踢過歐洲豪門嘅球星，包括前拿玻里射手域陀奧森漢、兩位效力過曼城嘅德國兵利萊辛尼同根度簡，仲有前熱刺中堅達雲臣山齊士，人腳唔曳，佢哋今屆歐聯聯賽階段曾於主場以1比0擊敗利物浦，打和馬體會1比1，防線表現相當硬淨，有力守住客軍來犯。
祖記奔波施「拖字訣」
祖雲達斯上場「國家打吡」作客大戰國際米蘭，因為後衞皮爾卡魯魯上半場尾段食紅牌被逐，搞到有成半場踢少個，最終尾段失波輸2比3，體力輸蝕之餘仲打擊士氣。加上今仗係佢哋近6場比賽第5次作客，球員飽受舟車勞頓之苦，更加要就住踢，今場隨時施展「拖字訣」，等次回合返主場先嚟料，唔會輕舉妄動，入波唔會多。
