英超：新特蘭開火大戰紅軍_東方日報

特别贴士 2026-02-11 23:36:06

今晚英超壓軸有主場不敗嘅新特蘭迎戰利物浦。「紅軍」上場遭曼城反勝，輸得好唔抵，今場對住主場特佳嘅「黑貓」，主帥施洛又要諗計破敵；今場邊隊贏唔易估，但睇番雙方近期同樣入得又失得，當中利物浦近5場全開3球或以上，首選2.5球入球大。（Now 621及611周四凌晨4時15分直播）文:邪神

利物浦上場雖然輸波，但整體演出唔差，下半場中段攻破曼城大門，只要頂到尾就贏波，可惜最終都守唔住，亦可見「紅軍」進攻冇問題，係防線唔穩陣。佢哋依家跌至第6，為保歐聯席位一定搏命，今場冇咗蘇保斯拉爾，預計會由居迪斯鍾斯擔任右閘。

踢法進取主場未輸過
新特蘭主場12戰錄7勝5和，係今季英超唯一主場不敗球隊，亦因為佢哋有主場做靠山，球隊踢法愈嚟愈進取，中前場波貝比、威爾遜伊斯多、基斯迪尼泰比都搶韁爭住入波，近4場全開3球或以上，今場迎戰主攻嘅利物浦，極可能出現駁火場面，加上兩隊近期入得又失得，相信入波唔會少。

上一篇：德盃：拜仁狂鋒上盤辣得有理_東方日報

英超：新特蘭開火大戰紅軍_東方日報

相关情报