英聯盃：首回合落後1球冇得縮 車路士晒冷大起阿仙奴_東方日報
特别贴士
2026-02-03 23:00:57
英聯盃4強次回合大戰，阿仙奴返主場再鬥倫敦宿敵車路士。首回合阿仙奴作客贏3比2，「藍戰士」防守方面完全無力招架，勝在把握力強入到2球先保住一線生機。今場車路士盡地一煲，勢用強大火力同「兵工廠」鬥攻，預料展開激戰，捧2.5球入球大係信心之選。（無綫myTV SUPER周三凌晨4時直播）文:工廠仔
阿仙奴近年同獎盃無緣，今季氣勢十足誓要破冠軍荒，英聯盃只差2步肯定會搏盡。首回合佢哋作客史丹福橋，若非埋門把握力不足，否則早就大勝而回，不過「藍戰士」防線頂唔住亦係不爭事實。車路士今場「焗攻」情況下，後場必定會出現大量空間，隨時會被阿仙奴嘅反擊打爆。
阿仙奴近期進攻有起色，對上4仗入咗12球，德國前鋒夏維斯復出後，令「兵工廠」喺進攻創造力同板斧方面都進一步增加，瑞典箭頭約基利斯亦連續2場有入波，信心逐步回復，入球可望繼續提升。阿仙奴主場出擊一向侵略性十足，近5次喺酋長球場出戰，有4次總入球開3球或以上。
羅Sir領軍以攻代守
另邊廂，車路士陣容頭重尾輕，雖然進攻線上粒粒皆星，但防守上就出現唔少漏洞，新帥羅仙尼亞上任後亦取長補短，踢法更加主動，上場聯賽對韋斯咸，就喺先輸2球情況下反勝3比2，明顯以攻代守。高爾彭馬、祖奧柏度、阿歷真度加拿祖等鋒將都有超強攻擊力，今場為收復失地，必定會全力搶攻，同阿仙奴駁火味道極濃，2.5球入球大必捧。
