英超：曼聯折翼半和頂住先_東方日報

特别贴士 2026-02-01 23:07:42

英超矚目之戰曼聯主場對富咸，「紅魔」近期連續擊敗榜首雙雄曼城及阿仙奴，氣勢一時無兩，偏偏呢個時候柏德列多古受傷，攻力受損兼打窒道氣，對住「豬頭骨」富咸並唔易啃，加上雙方近6次聯賽交手全開半場和，再追半和合理。（Now 621周日晚10時直播）文:邪神

曼聯改由卡域克做看守領隊後，突然回復魔性，2連勝殺上聯賽前4，球隊上下開始憧憬來季可以重返歐聯，不過可惜嘅係主力翼鋒柏德列多古受傷長抖，近兩場勝仗多古都有「士哥」，突然冇咗佢都幾頭痕，卡域克今仗或改為採用較保守踢法，先求穩陣。

講番曼聯嘅魔性，除咗球員重拾鬥志，球隊唔再用上手領隊魯賓艾摩廉嘅343，踢番球員擅長嘅4231陣式都有好大關係，呢個陣容4後衞同雙防中，加埋門將，防守時有7個人後防勁穩陣。

富咸硬淨唔易食
富咸近4仗贏咗3場，哈利威爾遜3仗都有入球，已經升上聯賽第7位，近期更賽和利物浦及擊敗車路士，佢哋今仗作客奧脫福球場亦會守住先，半和捧得過。

上一篇：英超：殘陣博奕步步為營熱刺撼曼城細均力敵_東方日報

下一篇：英超：殘陣博奕步步為營熱刺撼曼城細均力敵_東方日報

英超：曼聯折翼半和頂住先_東方日報

相关情报