沙職：艾塔亞文搶韁半場收科_東方日報
特别贴士
2026-01-30 23:21:31
周五晚沙職，今季表現穩定嘅艾塔亞文，主場迎戰弱旅艾科多。兩軍實力有一定距離，艾塔亞文主場成績極佳，而且對賽往績亦贏晒，藉主場聲勢可以放心搶攻，好大機會早開紀錄輕鬆贏波，半場主勝值得一博。
（on.cc東網周五晚9時50分直播）文:工廠仔
艾塔亞文班底雖然唔及幾支星光熠熠嘅富豪球隊，不過喺巴西教練查梅斯卡領軍之下，踢法實而不華、效率甚高。羅渣馬天尼斯、基斯杜化森拜奴等前鋒，雖然唔係咩世界頂級球星，但戰鬥力極強，哥倫比亞射手羅渣馬天尼斯目前就有14個入球，同C朗、艾雲東尼等不相伯仲。
艾塔亞文主場威力強勁，近7場主場拎到5勝2和，加上兩隊近5次交手，艾塔亞文4勝1和明顯佔優，今場呢3分相當穩陣。值得留意艾塔亞文戰術搶韁，近5場聯賽有4次喺上半場領先，有望先拔頭籌。
艾科多慢熱作客曳
相反，排名尾2嘅艾科多作客慘錄5連敗，而且連續3場聯賽都係上半場已經落後，慢熱打法遇着「急先鋒」艾塔亞文，梗係要捧半場主勝啦！
