洲際盃：近況欠銳不宜高估 PSG讓唔起法林明高_東方日報
特别贴士
2025-12-17 21:38:53
2025年國際足協洲際盃決賽，巴黎聖日耳門（PSG）於卡塔爾硬撼法林明高爭冠。PSG全力衝擊今年第6個錦標，不過球隊不論成績同場上表現，都冇咗年初嘅銳氣，法林明高喺卡塔爾已經踢過2場，提早適應晒天氣同場地，而且球隊近13場只曾1敗，受讓半一揀下盤。（Now 638周四凌晨1時直播）文:渡邊年
球迷如果記性唔太差嘅，應該記得世冠盃擴軍兼改制為4年一度之後，每年年尾嘅舊版世冠盃，改名為國際足協洲際盃，由6支來自各大洲嘅球隊角逐，舊年第1屆就由皇家馬德里以3比0大破帕丘卡奪冠。
嚟到第2屆，賽制繼續係歐洲球隊直入決賽，PSG今年先後贏得法甲、法冠盃、法足盃、歐聯同歐超盃，不過夏天舉行嘅首屆世冠盃就於決賽不敵車路士，今場當然想贏波補數。不過巴黎聖日耳門下半年表現，冇年初咁勇銳，依家喺法甲只係排緊第2，而且奧士文尼迪比利同夏基美分別因傷病缺陣。
法林明高踢完2場熟晒地頭
法林明高喺11月底至12月頭，一個禮拜內先後稱霸自由盃同巴甲，球隊乘勇展開洲際盃爭標之旅。由於法林明高要踢兩場先入到決賽，球隊已經喺卡塔爾1個星期有多，唔單止適應晒天氣同水土，佢哋分別淘汰墨超嘅藍十字，同埃及超球隊金字塔嘅兩場波，都係喺今場決賽場地度踢，連地利都贏埋。最重要法林明高態勇，各項賽事近13場只曾1敗，同PSG唔係冇得踢，受讓半一必捧下盤。
