外圍賽：丹麥未夠喉速炒白俄_東方日報
特别贴士
2025-11-15 23:37:04
世盃外歐洲區C組第5輪，榜首雙雄分途出擊，丹麥主場迎戰白俄羅斯，蘇格蘭作客希臘。丹麥對住同組實力最弱嘅白俄，大勝可期，不過主W太熱，佢哋近4次主場3次半場開2球或以上，捧1.5球半場大最明智。（周日凌晨3時45分開賽）文:邪神
C組形勢分明，丹麥同蘇格蘭同得10分，丹麥得失球+11排榜首，蘇格蘭得失球+5排次席，只得3分嘅希臘同0分嘅白俄羅斯已出局，而小組最後1輪蘇格蘭將會喺主場同丹麥決一死戰，所以今輪兩隊都不容有失，至少要贏波全取3分，戰意毋庸置疑。
先講丹麥嗰場，丹麥首循環作客6比0大炒白俄，半場已經攻入4球，今季外借拿玻里鹹魚翻生嘅前鋒海倫，上半場已經攻入2球，呢位曼聯棄將近3場國際賽交出4球1助攻，今場有佢坐鎮都夠開半場大。
蘇格蘭作客希臘大無畏
希臘對蘇格蘭方面，形勢上蘇格蘭要贏，希臘只係例行公事，今場蘇格蘭受讓其實下盤幾抵玩，不過入球大仲好路，一來希臘近7場全開3球或以上，踢法性感頻開入球騷，二來蘇格蘭為求搶分亦唔可以太保守，加上雙方近2次交手全開3球或以上，2.5球入球大好快達標。（周日凌晨3時45分開賽）
