曼城：續約冇下文施華搭路踢意甲_東方日報

特别贴士 2025-10-11 22:39:11

曼城中場貝拿度施華將於明夏約滿，據意大利傳媒爆料，「藍月亮」無意同佢續約，呢位31歲葡萄牙國腳亦有轉會大計，想倣效前隊友奇雲迪布尼去意甲搵食，經理人佐治文迪斯開始接觸祖雲達斯同AC米蘭，討論加盟可能性。

貝拿度施華2017年由摩納哥轉投曼城，一直屬於球隊主力，為呢支英超豪門上陣416場入73球，贏盡英超、歐聯、英聯盃、英足總、世冠盃等多項錦標，今季更加榮升隊長，但同時好可能係佢最後一季為曼城效力。

祖記A米理想落腳地
葡萄牙出戰世盃外對愛爾蘭前夕，貝拿度施華被傳媒問到前途問題，佢並冇否認明夏離隊：「我知道將會點做，但呢個問題現時並非重點，我仍然會為曼城傾力比賽，付出所有。」最新消息指貝拿度施華一旦離開曼城，首選去意甲，經理人佐治文迪斯已經接觸祖雲達斯、AC米蘭，為佢搵出路。

上一篇：外圍賽：挪威火噴噴追半場大_東方日報

下一篇：外圍賽：挪威火噴噴追半場大_東方日報

曼城：續約冇下文施華搭路踢意甲_東方日報

相关情报