英超：般茅同修咸頓鬥磨_東方日報

特别贴士 2024-10-01 22:41:43

唔識入波悶戰居多

周二凌晨英超獨腳戲，般尼茅夫主場迎戰修咸頓，兩隊開季成績令人失望，最大問題係入球能力不足，今場海軍鬥水兵，入球板斧欠捧下想入波都難，博中位數3.5球入球細夠穩陣。（Now621周二凌晨3時直播）

般尼茅夫踢法唔算保守，不過賣走上季首席射手蘇蘭基後，進攻威力大減，近4場比賽有3場入唔到波，高價買入嘅巴西前鋒法蘭斯高艾雲尼臣明顯未融入，頻頻做「敗家仔」。不過般尼茅夫喺主場防守都算硬淨，曾經打和紐卡素1比1，對住車路士亦僅輸0比1，想入佢哋波都唔係一件容易嘅事。

聖人今季聯賽未開齋
修咸頓重返英超後仲未打響勝鼓，5場聯賽只係入過兩球，創造進攻意識非常薄弱，「聖人」靠嘅係體力化足球，防守靠戰意同壓迫，具備一定抵抗力，今季5場聯賽4次總入球開3球或以下，3.5球入球細值得再追。

上一篇：亞冠精英：艾納斯細鍊艾雷恩_東方日報

下一篇：亞冠精英：艾納斯細鍊艾雷恩_東方日報