女U20盃：開波即搶！森巴女半Ｗ咪喀氣_東方日報
特别贴士
2024-09-11 17:47:16
女子世青盃16強，頭場之一巴西女足Ｕ20硬撼喀麥隆女足Ｕ20。「森巴女」今屆3戰全勝兼冇失波，氣勢如虹，而且打法搶韁一開波即嚟料，喀麥隆隨時半場都頂唔住，半場主勝有計。
（周四清晨5時30分開賽）
講到今屆女子世青盃最有冠軍相球隊，非巴西莫屬，佢哋各項賽事已經豪取8連勝，仲要全部保持清白之身，單計今屆女子世青盃3場分組賽，贏晒之餘兼狂轟14粒，喺B組獲首名出線，攻守兼備。
喀麥隆質素差頂唔住
另邊廂，喀麥隆則較為失色，喺今屆女子世青盃A組只得1勝1和1負，若非尾輪擊敗澳洲，佢哋都攞唔到其中一支最佳第3名出線，點擋得住弗到震嘅巴西狂轟猛炸呢？
值得一提，係「森巴女」前鋒芬迪圖今屆場場有波入，依家累積5個士哥，排緊射手榜榜首，而且5球都喺上半場攻入，由此亦睇得出巴西係採取先發制人策略，今屆3場都喺上半場取得領先優勢，由頭贏到尾，預計佢哋今場都係一開波即搶攻，期望盡快入波鎖定勝局，半場主勝不容錯過。
