特别贴士

英超：快刀斬亂麻盡顯霸氣 藍月乘勇半W扑錘_東方日報

特别贴士 2024-09-01 18:24:24
英超盟主曼城延續上季奪冠氣勢，開咧清風送爽迎接2連勝，作客贏完車路士，上輪再大炒葉士域治，霸氣盡現，今輪作客韋斯咸同樣贏面極高，艾寧夏蘭特等前鋒火力全開下，有望由頭贏到尾，半場客勝值博。

（Now621及611周日凌晨零時30分直播）
曼城季前增兵唔算積極，不過本身陣容已經超晒班，新兵沙維奧同謝利美杜古組成雙翼威脅力極大，配合金靴射手夏蘭特可謂無堅不摧。夏蘭特近兩場入4球狀態大勇，當中3球係喺開賽20分鐘內經已取得，表現極具侵略性。而且曼城質高態勇，作客亦同樣搶韁，近5場聯賽作客有4場成功喺半場領先。

韋斯咸未弗頂唔住
另邊廂，「錘仔幫」韋斯咸戰績目前1勝1負，喺周中英聯盃「夫添」出戰下，最終以1比0絕殺般尼茅夫，季初狀態未操起下，球員體力未必回復得切。而且近6次對住曼城只得1和5負，今仗難以阻擋曼城猛烈進攻，半場客勝捧得過。

上一篇：史達寧入廠 辛祖上車_澳門日報

下一篇：史達寧入廠 辛祖上車_澳門日報

发送给好友

分享至朋友圈