世亞洲：印度科威特爭次名步步為營_東方日報

特别贴士 2024-06-06 19:25:41

世盃外亞洲區A組，印度主場對科威特。呢組次名之爭緊湊，印度同科威特半斤八両，唔敢輕舉妄動，半場和捧得過。（on.cc東網周四晚9時30分直播）

半斤八両唔敢亂嚟
卡塔爾喺呢組一枝獨秀，手握12分已提早出線，印度、阿富汗同得4分，科威特則以3分排榜尾，依家剩番兩輪，邊隊搶到次名仲有價講。今場印度同科威特正面交鋒，勢必步步為營。
印度今年初喺亞洲盃3戰皆北兼食白果，進攻乏力只靠防守支撐，佢哋首循環作客1比0險勝科威特，成為爭出線嘅關鍵，不過印度已經6場不勝，今場會以唔輸做目標，下半場再伺機而行。

另邊廂，科威特近況都係麻麻，經歷4連敗之餘，仲要入得兩粒咁大把，今仗造訪印度關乎次名之爭，同樣會先求後防不失。睇番佢哋今屆4場世盃外，有3場半場同對手打和，唯一半場領先之役對阿富汗，都係靠早段一個12碼打開紀錄，半和咁好路梗係再追。

上一篇：世亞洲：巴林出線在望速戰速決_東方日報

下一篇：世亞洲：巴林出線在望速戰速決_東方日報