英總盃：紐卡素全力搶攻做大騷_東方日報

特别贴士 2024-03-01 19:00:32

至於另一場英足盃賽事，英冠球隊布力般流浪越級挑戰英超嘅紐卡素。布力般流浪雖然喺英冠位列中下游，但主攻踢法極富娛樂性，問題係防守方面弱不禁風，今仗面對同樣有前冇後嘅紐卡素，開3.5球入球大機會高唱入雲。（無線myTVSUPER周三凌晨3時45分直播）

布力般流浪踢法有前冇後
布力般流浪有愛爾蘭前鋒斯莫迪斯壓陣，並採用３４３主攻戰術，極具侵略性，不過失球數字方面同樣高企，係英冠今季失波第2多嘅球隊，所以經常出現大手交易賽事，例如對上兩圈英足盃，分別主場以5比2贏劍橋聯，同埋主場以4比1贏域斯咸，今圈再次喺主場出擊，必定繼續搶攻。

另邊廂，紐卡素近期踢法同樣以攻為守，上場英超聯賽作客阿仙奴大敗1比4，近5場賽事總入球全開4球或以上，前鋒阿歷山大伊沙克已經復出，今仗對住英冠級數對手，恃住較高質素將會繼續採取主動，雙方鬥攻自然有利大量入球出現，可以準備睇入球騷。

上一篇：西盃：皇蘇馬略卡鬥守吼半和_東方日報

下一篇：西盃：皇蘇馬略卡鬥守吼半和_東方日報