亞洲盃：南韓鬥巴林旺半細_東方日報
特别贴士
2024-01-15 19:50:58
今日亞洲盃繼續上演3場大戰，焦點當然係早場賽事，E組南韓對巴林。南韓星味及實力俱備，公眾飛一定偏向「太極虎」，不過值得留意嘅係巴林最近3次鬥南韓法定時間係2和1負，唔係輸硬，呢3場半場都係開1球或以下，玩1.5球半場細似乎更明智。（HOYTV76台周一晚7時30分直播）
南韓星光熠熠，孫興民、李康仁、黃喜燦及金玟哉等都係效力4大聯賽頂級球隊。
至於巴林當然唔會同南韓硬撼，預料會施展佢哋最拿手嘅緊迫戰術，盡量減少南韓球員用波時間。事實上佢哋上屆都打入16強，對手就係南韓，當時法定時間踢成1比1，南韓要加時先贏波晉級，連同呢場在內，雙方近3次交手，半場全開1球或以下，可見巴林有板斧阻擋南韓，呢場推介半場細。
博埋約旦勝伊拉克半W
同組尾場嘅馬來西亞對約旦，約旦近3次交手獲2勝1和，格食格之下可捧客勝（HOYTV77台周二凌晨1時30分直播）。至於另一場D組印尼對伊拉克，印尼近5戰全部半場落後，包括上年11月世盃外對伊拉克，半場客勝必捧。（HOYTV77台周一晚10時30分直播）
