西甲：畢爾包大盤有利可圖_東方日報

特别贴士 2023-10-06 20:20:39

星期六凌晨西甲賽事，開季成績突出嘅畢爾包，將喺主場迎戰「降班膽」艾美利亞。畢爾包今季踢法進取，一眾攻擊球員亦信心十足，對住防線穿窿嘅艾美利亞可以大開殺戒，捧2.5球入球大非常穩陣。
（Now632周六凌晨3時直播）

畢爾包喺前巴塞隆拿教練華爾維迪執教下，成績同表現都有大幅進步，今季8戰得14分排喺聯賽第6位，尤其主場出擊甚具霸氣，近3仗主場轟入9球。進攻核心奧漢辛斯特上場停賽後可以復出，尼高拉斯威廉斯上仗亦傷愈復出，火力更加有保證。

艾美利亞防線曳
艾美利亞今季仍未開齋，係西甲唯一仍未贏波嘅球隊，而且防守力非常疲弱，對上5場聯賽狂失15球，近7場聯賽有6場總入球開3球或以上。

艾美利亞近3次對畢爾包都輸晒，總入球同樣都多過2球，今仗一於再追2.5球入球大。

上一篇：亞女足：火力全開爭金牌日本北韓鬥攻入球騷_東方日報

下一篇：亞女足：火力全開爭金牌日本北韓鬥攻入球騷_東方日報