英超：利物浦托弗半場多波入_東方日報

特别贴士 2023-09-16 16:52:37

星期六英超早場大戰，開季狀態大勇嘅利物浦作客狼隊，「紅軍」夏天將成條中場線重建後，火力得到進一步提升，前場逼搶踢法更加有效，往往喺比賽早段就同對手駁火，今仗一於博1.5球半場大！

（Now621及611周六晚7時30分直播）
利物浦簽入阿歷斯麥亞里士打同蘇保斯拉爾等中場，活力同創造力都提高唔少，帶動原本已經強大嘅鋒線更加有威脅，高普崇尚嘅逼搶踢法重現光芒。穆罕默德沙拿、加普等前鋒腳風極順，佢哋喺比賽早段將會向對手進行施壓，希望先拔頭籌。

狼隊反擊戰術有料到
不過，利物浦注重進攻之餘，防守上都有唔少漏洞，加上荷蘭中堅華基爾雲迪積克今場要停賽，隨時令中門大開。至於主場出擊嘅狼隊，近兩仗攻入7球，入球能力唔差，球隊快速反擊戰術有料到，隨時威脅到利物浦大門。考慮到利物浦近4仗，有3仗半場總入球開2球或以上，今仗開1.5球半場大機會高。

上一篇：往績佳兼攻守更平衡國米打吡戰值得看好_文匯報

下一篇：往績佳兼攻守更平衡國米打吡戰值得看好_文匯報