英超：曼城火力減捱細界_東方日報

特别贴士 2023-09-02 20:47:48

颱風襲港最好留喺屋企睇波，今晚英超曼城主場鬥富咸。開季3連勝嘅「藍月」實力超班，不過近兩仗都係「煲魚生粥」僅熟，喺奇雲迪布尼缺陣下，中場支援未達最佳水平，對住富咸未必大炒，3.5球入球細抵玩。（Now621周六晚10時直播）

曼城今夏中場變動頗大，根度簡同馬列斯離隊，奇雲迪布尼又受傷長抖，對進攻影響唔細。雖然艾寧夏蘭特及基亞利殊等人仍然在陣，但始終踢唔番上季水銀瀉地嘅攻勢，上次主場對紐卡素只係小勝1比0，上輪對弱旅錫菲聯，更要尾段先反勝到2比1，明顯仲未上力。

富咸韌力十足

富咸上輪作客逼和勁旅阿仙奴，今季兩場作客賽事錄得1勝1和，周中英聯盃更憑互射12碼淘汰熱刺，韌力非凡。葡萄牙防守中場祖奧包連夏復出，喺中場有一夫當關演出，防守靠得住。睇番兩隊近5次聯賽交鋒，總入球全開3球或以下，以富咸依家嘅高昂士氣，相信唔係咁輕易大敗，3.5球入球細值得支持。

上一篇：拿坡里搶分“拉”唔住_澳門日報

下一篇：拿坡里搶分“拉”唔住_澳門日報