歐聯：阿積士冇默契唔怕反_東方日報

特别贴士 2023-08-25 17:49:15

盧多格德斯非魚腩

歐霸盃外圍賽附加賽首回合，盧多格德斯主場迎戰阿積士。牌面上傳統勁旅阿積士當然秤先，不過呢支荷甲名牌進入重建期，今季大換血後明顯影響表現，今仗遠征保加利亞危機四伏，作客難讓歐洲賽主場不敗率甚高嘅盧多格德斯，讓球主勝值得推薦。

（周五凌晨2時開賽）

阿積士上季荷甲只係排第3位，夏天搵咗史迪恩執教，上任冇耐嘅總監米斯連達亦幫球隊大換血，祖利安添巴、艾臣奧馬艾華利斯等主力離隊影響好大，新簽嘅艾卡邦、蘇達路等仲未上過陣，一時三刻好難踢出默契，上場聯賽作客2比2打和精英隊，阿積士嘅差勁演出就飽受批評。

盧軍歐戰主場不敗率高企

盧多格德斯近年係歐洲賽常客，雖然實力同5大聯賽球隊仲有距離，但亦絕對唔係魚腩，尤其主場演出相當醒神，對上8仗歐洲賽主場，拎到6勝1和1負成績，包括主場贏過安德列治同羅馬，歐戰主場不敗率超過8成半，今仗對住跌晒watt嘅阿積士有力保持不敗，讓球主勝抵玩。

上一篇：曼市雙雄變「傷雄」將帥缺陣2場英超_大公報

下一篇：曼市雙雄變「傷雄」將帥缺陣2場英超_大公報