微信
朋友圈
微博
腾讯微博
QQ空间
QQ
女子世界盃4強，西班牙會同瑞典碰頭。「狂牛」由分組賽到16強面臨嘅壓力唔大，直至8強對住荷蘭，艾爾認為問題開始暴露出嚟。
西班牙上仗8強一貫以往踢法，全場控球率高達62%，射門次數亦遠多於荷蘭。雖然喺81分鐘憑12碼打破缺口，但無幾耐就被荷蘭追和，要到加時先分到勝負。艾爾認為西班牙女子隊同男子隊嘅問題都差唔多，當面對一啲專心「泊巴士」嘅球隊，往往好難攻破對方大門。
更致命嘅係，呢種過度猜傳嘅踢法好消耗體能，亦較易露出防線漏洞。剛戰被荷蘭追入嘅一球，正係防守球員走動速度大幅放緩，對手突然加強前場緊迫，結果「橙軍」一下直線傳送，劏穿成條西班牙中後場防線，領先優勢只係維持10分鐘。可想而知，西班牙唔係無弱點，嚟緊4強對住瑞典，相信會有更大挑戰。
瑞典曾經喺8強淘汰美國，雖然美國實力大不如前，但瑞典承受對方21次攻門，最後都力保不失，防守紀律性做得唔錯。球隊喺4強嘅形勢估計較為被動，但前線反擊力唔差，死球攻勢亦有效率。此消彼長下，艾爾撐瑞典可以喺法定時間保持不敗，推介讓球受讓平半下盤。
艾爾
微信
朋友圈
微博
腾讯微博
QQ空间
