自由盃：小阿根廷人勝算高_東方日報

特别贴士 2023-08-01 19:09:20

閃耀新星挑戰富明尼斯

南美自由盃淘汰賽展開，周三朝早嘅16強首回合，有阿甲勁旅小阿根廷人主場鬥巴甲嘅富明尼斯。小阿根廷人近年喺加比爾米列圖帶領下進步極大，分組賽表現亦相當對辦，今仗藉主場之利有望用活力剋制老將眾多嘅富明尼斯，捧小阿根廷人開主Ｗ先下一城！（周三早上6時開賽）

小阿根廷人兩年前請到名將加比爾米列圖執教，年輕化令全隊充滿活力，加斯頓華朗、列當度蘇拿利等新人都受到歐洲豪門注目，球員抗壓力亦不斷加強，佢哋喺分組賽力壓另一支巴甲勁旅哥連泰斯出線，兩循環交鋒有1勝1和成績，絕對無懼面對任何巴西球隊。

老將難頂高強度賽事

巴甲近年壟斷自由盃，不過富明尼斯冇份沾呢份光，佢哋上屆喺外圍賽就被踢出局，事實上富明尼斯已到強弩之末，菲臘比美路、馬些路、甘素等老將應付高強度賽事開始吃力，而且富明尼斯作客表現特別差，近4場自由盃作客輸咗3場，包括分組賽作客阿甲嘅河床淨吞兩蛋，今仗睇好小阿根廷人贏波。

上一篇：友誼賽：A米巴塞半大追得過_東方日報

下一篇：友誼賽：A米巴塞半大追得過_東方日報