女世盃：組織唔多掂瑞士女足追半和_東方日報

特别贴士 2023-07-25 19:25:16

今日女子世盃A組第二輪賽事，瑞士女足火併挪威女足。瑞士女足首輪贏菲律賓手握3分，「挪女」則不敵東道主新西蘭。睇番呢兩支歐洲球隊有個共通點，就係組織能力欠奉，隨時陷入拉鋸，加上瑞士女足近7場有5次上半場打和，再追半場和。（Now630周二下午4時直播）

瑞士女足上仗兩球淨勝「魚腩」菲律賓女足，但都要踢到臨完上半場，先靠一個12碼開紀錄。事實上佢哋一向屬大賽陪跑分子，今屆只係第二次出席世盃，上年出戰女子歐國盃就分組賽出局，遇上挪威女足，要入波唔易。

挪威女足無復當年勇

挪威女足喺上世紀90年代盛極一時，包括奪得1995年世界盃冠軍，但近年青黃不接，上年歐國盃同瑞士一樣都係分組賽出局。「挪女」上仗對新西蘭女足攻勢欠奉，結果下半場失守輸0比1，各項賽事近5場不勝，對住瑞士女足亦冇乜甜頭，預料戰局會陷入膠着，半場和好路。

上一篇：中國女足須放膽進攻_澳門日報

下一篇：中國女足須放膽進攻_澳門日報