英意合演重量級大戰_東方日報

特别贴士 2023-05-31 19:36:30

Ｕ20世盃16強重量級大戰，E組首名出線嘅英格蘭Ｕ20惡鬥D組次名意大利Ｕ20，兩大歐洲名牌實力旗鼓相當，而且都係擅長進攻踢法，過去5次交鋒有4次總入球開3球或以上，今場一於博2.5球入球大！（周四清晨5時開賽）

英格蘭Ｕ20係2017年冠軍，今屆亦以歐洲冠軍身份出席，當然會以冠軍為目標。「小三獅」喺分組賽頭兩輪都順利贏波，上仗喺鎖定首名資格下，收起半隊正選先被伊拉克Ｕ20悶和，養精蓄銳踢淘汰賽。英格蘭Ｕ20陣中有利安戴納、史加歷等曾經喺英超上陣嘅前鋒，質素唔使懷疑，具備搶攻本錢。

意大利Ｕ20今屆踢得極具侵略性，小組首仗曾經3比2擊敗南美勁旅巴西Ｕ20，效力英冠雷丁嘅卡沙迪更加係今屆最搶眼新星之一，呢位狀態巔峰嘅攻擊球員，3場分組賽攻入4球，令意大利Ｕ20踢出悅目進攻。英、意兩軍都屬於攻強於守球隊，今仗博2.5球入球大穩陣。

上一篇：紅鑽鬥三箭吼實半場和_東方日報

下一篇：紅鑽鬥三箭吼實半場和_東方日報