祖記「復活」 前4告急 羅馬搶分蘭唔住|東方日報
特别贴士
2023-04-25 18:08:48
今輪意甲壓軸戰，阿特蘭大主場對羅馬，由摩連奴執教嘅羅馬近期愈戰愈勇，獲得聯賽3連勝之外，並打入歐霸盃4強，士氣非常高昂。反觀阿特蘭大表現持續低迷，恐怕無力抵擋來勢洶洶嘅羅馬，加上羅馬受讓平半，下盤值博。（Now638周二凌晨2時45分直播）
由於祖雲達斯「造假帳案」轉交意大利足總上訴法庭重審，獲暫時撤銷扣聯賽15分處罰，以首30輪意甲計算，祖記即時升上第3位，令羅馬爭前4位形勢告急，餘下8場聯賽絕對冇失分空
間，爭勝決心必定強。呢支首都勁旅狀態不俗，取得聯賽3連勝兼不失球，表現攻守兼備，4位進攻球員保羅戴巴拿、羅倫素柏歷堅尼、譚美阿巴謙、艾沙拉維頻頻取得入球，今仗有本錢反客為主搶攻，力爭全取3分而回。
另邊廂，阿特蘭大處於弱勢，近8場聯賽僅得2勝2和4負，距離爭入前4位嘅目標已經愈嚟愈遠，難免打擊士氣。其實阿特蘭大已無復當年勇，今季變得遇強即屈，近期對兩支前列球隊AC米蘭、拿玻里同樣以0比2落敗，今仗迎戰羅馬，隨時又輸1場。
阿特蘭大遇強即屈
事實上，阿特蘭大近4次對羅馬，只有1勝1和2負，無論往績及近況都係處於下風，冇能力讓波，捧羅馬下盤為妙。
