特别贴士

曼聯再鬥巴塞蓄細待發|東方日報

特别贴士 2023-02-25 21:45:34
近年對西甲兵例少交收
今晚歐霸淘汰圈附加賽次回合焦點大戰,英超曼聯返主場再鬥巴塞隆拿。「紅魔鬼」首回合一度反先下被追和,今仗會先鞏固防守,佢哋近年面對西甲球隊旺少交收;巴塞方面雙星柏迪及加維齊齊缺陣,創造力大減,嚟到奧脫福亦唔敢貿然搶攻,寧捧2.5球嘅入球細。

(Now643周五凌晨4時直播)
兩大勁旅首回合交鋒,曼聯憑拉舒福特入波兼逼到對手擺烏龍,一度反超前,但最終都係畀主場嘅巴塞逼和2比2,非常唔抵,由於作客入球優惠已經取消,意味今仗勝方先可以晉級。曼聯有中堅利辛度馬天尼斯刑滿復出,有助增強後場防守及組織力,吸取首回合教訓,佢哋必定踢得更為謹慎。拉舒福特狀態弗到震,各項賽事近17仗狂轟16粒,佔咗球隊總入球4成咁多,明顯倚賴佢數胡,但亦勢必成為巴塞嚴防對象,或因此影響曼聯進攻火力。

柏迪加維缺陣影響大
巴塞首回合千辛萬苦下逼和對手,叫做唔使落後迎接次回合,但付出沉重代價,柏迪拉傷退下火線,另一新星加維則累積3張黃牌,今晚要自動停賽,連同仍然養傷嘅布斯基斯及奧士文尼迪比利,中前場創造力必然受損,令箭頭羅拔利雲度夫斯基孤掌難鳴,加上首回合面對「紅魔」嘅逼搶打法,巴塞吃盡苦頭,今仗會以穩為先。翻查紀錄,曼聯近6次歐洲賽面對西甲球隊,有5次開2球或以下,2.5球入球細更可取。

发送给好友

分享至朋友圈