紐卡素格食格上盤醒李|東方日報

特别贴士 2023-01-10 23:11:07

今晚另一場英聯盃8強，紐卡素主場鬥李斯特城。兩隊早前喺聖誕檔期交手，紐卡素作客都炒對方3蛋，今晚有埋地利更添信心，加上「喜鵲」近4次對「狐狸」取得3勝1負，讓一球照捧上盤。（有線664及604台周三凌晨4時直播）

雙方喺聖誕新年快車交過手，當時紐卡素憑基斯活特、米基爾阿米朗及祖連頓各入一球，大勝3比0完場，充滿說服力。「喜鵲」聯賽走勢凌厲，但上仗英足盃第3圈倒灶不敵英甲錫周三，明顯輕敵搞到出局。吸取教訓嘅紐卡素返到英聯盃肯定打醒精神，否則4日內連失兩隻盃，好難向幕後老闆沙特財團交代。

李斯特城戰意成疑
李斯特城近況令人憂慮，世盃後除英聯盃3比0贏低組別球隊米爾頓凱恩斯，聖誕新年快車連敗於紐卡素、利物浦及富咸腳下，上仗英足盃亦只能小勝英乙包尾球隊基寧咸1比0。加上兩位主力泰利文斯同占士麥迪臣傳聞被今場對手紐卡素挖角，球員戰意成疑。「喜鵲」對賽成績較佳之餘，近4仗聯賽保持不失，今仗好大機會可淨勝對手。

上一篇：紅魔歎查捧半大|東方日報

下一篇：紅魔歎查捧半大|東方日報