曼城主場搶韁半大愛得過|東方日報
特别贴士
2022-12-31 17:23:15
全力追趕榜首阿仙奴嘅曼城，除夕夜主場撲擊「拖肥糖」愛華頓。曼城神鋒艾寧夏蘭特表現勇猛，尤其喺曼城球場腳風更順，近8場聯賽主場狂轟13粒，帶領球隊呢8仗半場全開2球或以上，遇上防線弱不禁風嘅愛華頓，有望再上演閃擊戰半場喪入波，推介1.5球半場大。
（Now621周六晚11時直播）
夏蘭特弗到爆炸
曼城獲「布歐」艾寧夏蘭特加盟，原本以為會一枝獨秀，點知又唔係喎，依家英超帶頭嘅係阿仙奴，好彩曼城聖誕新年快車首戰作客贏列斯聯3比1，同「兵工廠」保持5分差距，後上仍然有價講。「藍月亮」火力強橫，夏蘭特弗到爆炸，上場鬥列斯聯又省兩粒，14場英超入咗20球，成為英超史上最快達到呢個指標嘅球員，比利時中場奇雲迪布尼亦已收拾世盃出局心情，加上菲爾科頓、馬列斯同基亞利殊等，愛華頓點頂得住。
「拖肥糖」現時排17位，今季對前列球隊都輸波而回，周中快車首戰主場鬥狼隊，領先下都倒輸1比2，領隊林柏特帥位危危乎，難頂「藍月亮」猛攻，半場大夠穩陣。
