火力十足鬥攻格 墨城水手娛樂大家|東方日報
特别贴士
2022-12-27 20:45:47
今日有兩場澳職，渡邊年一次過同大家講晒佢。早場墨爾本城對中岸水手，兩隊攻力唔錯，呢場會多波入；尾場阿德萊德聯對紐卡素噴射機，就係格食格，阿聯近年剋住噴射機，揀主勝啦！
上次同大家講過「墨爾本打吡」因球迷騷亂而腰斬，墨爾本城門將湯高華被襲擊致臉部受傷，單嘢有跟進，澳職賽會有裁決，墨爾本勝利球迷嚟緊維多利亞省嘅作客球賽都唔畀入場，而主場賽事，亦只有會員可以入場睇波。另外湯高華亦打算入稟法院，向墨爾本勝利要求賠償。
講番今日場波，墨爾本城門將湯高華據報已經重新投入訓練，而且球隊擁有澳職神射手占美麥卡倫，佢今季已經射入9球，可以專心應付今場對中岸水手大戰。至於中岸水手係澳職攻力最強球隊，8場入18球，平均每場入2.25球，球隊多點開花，森姆施華拿、積臣甘明斯及米高魯斯輪流入波，球隊近8場聯賽全開3球或以上，今場唔怕同榜首嘅墨爾本勝對攻，推介中位數2.5球嘅入球大。（無綫myTVSUPER周二下午2時30分直播）
阿聯食住噴射機
至於尾場阿德萊德聯對紐卡素噴射機，紐卡素噴射機開季兩連勝之後，表現急轉直下，近6場聯賽只得1勝5負，球隊後防存在嚴重問題，今季8場全部未能保持清白之身，合共失咗15球。阿德萊德聯今季賽程安排特別，8場澳職竟然有6場作客，今場只係佢哋第3場主場賽事，之前兩戰全勝，而且「阿聯」一向食住紐卡素噴射機，近5次交手贏晒，今場捧主勝啱數。（無綫myTVSUPER周二下午5時15分直播）
