鳳凰打落水狗捧上盤|東方日報

特别贴士 2022-12-23 20:45:53

周五澳職賽事，包尾大幡珀斯光輝主場迎戰威靈頓鳳凰，主隊上場0比1不敵FC麥克阿瑟後，近7場聯賽輸咗5場，而且今仗仲有唔少傷兵，對住狀態回勇嘅威靈頓鳳凰，主場出擊亦難以看好。今場威靈頓鳳凰對住態沉嘅光輝小讓平半，上盤值得捧場。（無綫myTVSUPER周五晚7時30分直播）

珀斯光輝殘陣出擊

珀斯光輝教練薩哥維治賽前表示，多位球員都有傷在身，今場陣容點樣排都係未知數，古度姆比斯、薩治鄧肯同艾素比爾等後備有望頂上，但整體實力必然大打折扣，而且珀斯光輝近況甚差，對上4場聯賽3度敗陣，3場輸波當中僅入1球，殘陣出擊下更加難以樂觀。

威靈頓鳳凰近5場聯賽只曾1敗，上仗3比1擊敗阿德萊德聯更加係近期佳作，主力阿歷士魯化傷愈復出，今仗至少可以先任後備，令球隊進攻如虎添翼。此消彼長之下，威靈頓鳳凰今仗有力反客為主，全取3分。

上一篇：阿根廷央行研將美斯印上鈔票|文匯報

下一篇：阿根廷央行研將美斯印上鈔票|文匯報