布力般森林熟路細均力敵|東方日報
特别贴士
2022-12-21 18:40:22
今晚另一場英聯盃16強，英冠布力般流浪主場硬撼諾定咸森林。呢場係布力般流浪越級挑戰，但其實森林近年長期喺英冠打滾，兩軍熟晒路，近4次交手3次開2球或以下，今場推介2.5球入球細。（有線662及602台周四凌晨3時45分直播）
先睇睇雙方近況，布力般上圈同另一英超球隊韋斯咸交手，結果法定時間踢成1比1，互射12碼以10比9贏波晉級。球隊喺世盃期間曾經約戰赫斯同阿積士，結果爆冷分別贏4比0同2比0，不過英冠喺月中復賽，布力般又表現飄忽，先於主場不敵普雷斯頓1比4，轉過頭又作客贏諾域治兩粒，都幾難估。
近年對賽少交收
森林世盃前踢咗兩場好波，先喺英聯盃第3圈主場送熱刺兩蛋晉級16強，跟手聯賽小勝水晶宮一粒，兩場都能保持不失。不過世盃期間拍跳成績就麻麻，4場熱身賽只得1勝3負，而且今場鬥布力般流浪前冇一場正式比賽，球員狀態成疑。
睇番雙方交手往績，諾定咸森林無疑佔優，不過今季森林積弱，作客亦未必攞到甜頭，考慮到兩軍近4次碰頭，有3次總入球開2球或以下，今場不如玩入球細好過。
