曼聯爭勝“尼”料|澳門日報

曼聯爭勝“尼”料

英聯盃十六強開戰，曼聯主場出擊迎戰般尼。曼聯雖有部分主力未歸隊，但整體實力仍有優勢，主場出擊更能睇高一線，有望贏波晉級。

紅魔國腳未歸隊

曼聯迪拜熱身賽表現麻麻，連輸卡迪斯、畢迪斯，狀態仍有待提升。論人腳，曼聯牌面肯定有優勢，不過陣中不少主力征戰世界盃，尤其一對中堅馬天尼斯、華拉尼剛戰畢決賽，亦有踢到八強的費特、卡斯米路、安東尼、拉舒福特、梳爾，B費南迪斯及達洛特，幾乎大半主力缺陣或上陣成疑。幸陣中仍有馬迪爾、艾歷臣，新星加拿祖以至門將迪基亞，曼聯主場出擊仍能睇好。

般尼今季跌落英冠，聯賽在世界盃期亦繼續踢，般尼四連勝，目前穩守英冠榜首位置，狀態士氣同樣好。般尼人腳牌面不及曼聯，不過J洛迪古斯、賓臣文奴、泰拿三人進攻火力不俗，近四戰失兩球，門將梅歷、泰萊、比列斯把關表現不差。乘曼聯一眾主力缺陣下，般尼作客奧脫福亦非無機會爆冷。

甘賓尼：滅紅魔

般尼主帥甘賓尼有信心：“雖然我已經不是曼城球員，但作為般尼領隊，今場對我而言同樣是西北打吡戰。有機會對陣強隊是好事，讓我們了解自己與強隊距離，今場是非常重要的比賽，球隊今季表現、近況都很出色，這正是我們好好驗證自己實力的最好機會。我們對作客曼聯感到興奮，希望能交出讓球迷感驕傲的表現：”

海鷗軍撼查爾頓

白禮頓作客英甲查爾頓。白禮頓人腳實力明顯佔優勢，阿根廷冠軍成員中場麥亞里士打未歸隊，但托沙特、卡些度、林迪、三笘薰、門將R山齊士有望趕及復出，連同拉蘭拿、哥斯等領軍，實力明顯高一班。主場的查爾頓在英甲僅排中下游，近七場不勝狀態士氣麻麻。白禮頓作客亦贏波在望。

諾定咸森林作客鬥布力般流浪。森林有D亨達臣、連加特、艾禾尼伊等領軍，實力在布力般之上，不過布力般前線加拉查、比列頓、莫頓掛帥，今季在英冠有不俗表現。今季表現低迷的森林作客缺地利爭勝不容易。