曼城旺半大再追|東方日報

特别贴士 2022-11-05 17:35:50

志切衞冕英超嘅曼城，今晚於主場迎戰富咸力爭3連勝，「藍月亮」今季12場聯賽獲9勝2和1負，以2分落後榜首阿仙奴，但佢哋場均攻入超過3球嘅鋒力冠絕英超，尤其主場出擊踢法極之搶韁，今季聯賽主場6戰全勝，全部半場總入球都開2球或以上，中位數1.5球半場大抵玩。
（Now 621周六晚11時直播）

曼城周中歐聯半力出擊，主場輕鬆3比1擊敗西維爾，多位主力得到休息機會，養精蓄銳預計今場會有更好發揮。最重要係王牌前鋒艾寧夏蘭特養傷兩場後，近日已經重新投入操練，今仗可以披甲上陣，呢位挪威前鋒今季11場聯賽入17球，曼城超強火力足以喺上半場大開殺戒。

富咸踢法夠開放
富咸升班後踢法亦崇尚進攻，以阿歷山大米祖域為首嘅鋒線有一定入球能力，球隊近3仗作客入7球失7球，明顯係踢開放式進攻，今仗同曼城鬥攻之下，有利開出半場大。

上一篇：美斯同組對手弱有利入球|大公報

下一篇：美斯同組對手弱有利入球|大公報