阿仙奴森林半場大駁火|東方日報
特别贴士
2022-10-30 22:24:37
阿仙奴將於今晚英超主場迎戰諾定咸森林，「兵工廠」上輪聯賽一早入波打開紀錄，但卻被修咸頓逼和，痛失2分，吸取教訓之後，今仗對住護級分子諾定咸森林，勢必爭取盡快入多幾球，以免夜長夢多。阿仙奴近4次主場有3次上半場總入球開2球或以上，不妨再追中位數1.5球嘅半場大。（Now621周日晚10時直播）
入多幾粒3分穩陣
阿仙奴現時同曼城鬥得非常緊湊，1分也不能少，上輪英超作客修咸頓，開波11分鐘就由格列沙加入波領先，以為勝券在握，點知換邊後被對手逼和1比1，明顯有輕敵之嫌，相信今場不敢再次怠慢，應該會盡快爭取入第二粒「保險球」，令對手冇得翻身。事實上，「兵工廠」踢法非常搶韁，近5場聯賽上半場都有波入，包括主場上半場領先利物浦2比1，要迅速攻破森林大門，並唔困難。
諾定咸森林雖然排包尾，但上仗爆冷擊敗利物浦，結束9場英超不勝困局，表現令人刮目相看。呢場勝仗大大提升士氣，證明球隊有能力喺強隊身上搶到分，相信今場遇上阿仙奴亦唔會退縮，隨時有機會偷襲入到波，半場大值得一試。
