薩格勒布戴拿模細守城池|東方日報
特别贴士
2022-10-28 00:38:31
另一場歐聯E組爆發生死戰，克羅地亞球隊薩格勒布戴拿模主場迎戰AC米蘭。兩隊同樣1勝1和得4分，今仗輸波一方隨時出局，可謂不容有失，論牌面AC米蘭肯定高一線，但佔主場之利嘅薩格勒布戴拿模定必堅守城池，加上佢哋近4仗歐聯3次開2球或以下，慣打守勢波，捧中位數2.5球嘅入球細屬明智之選。（Now645周三凌晨3時直播）
AC米蘭受壓即走樣
AC米蘭歐聯主場曾以3比1贏過薩格勒布戴拿模，該仗法國射手基奧特射入12碼，葡萄牙人氣王拉菲爾利亞奧亦交出助攻，呢對老少組合喺意甲賽場表現同樣強勢，兩人合共攻入9球。不過A米近兩輪歐聯面對勁旅車路士受到全面壓制，兩仗共吞5蛋，今仗再唔贏波就好難出線，所以肯定搏命。
克羅地亞勁旅薩格勒布戴拿模由第二圈外圍賽起步，一直過關斬將闖入分組賽，仲喺首輪賽事主場爆大冷1比0擊敗車路士，杜曹亦因呢場敗仗被辭退。
不過薩格勒布戴拿模亦無以為繼，近3仗僅得1和2負，可見球隊已經搏盡，而且人腳方面相對同組各隊明顯較弱，只能靠防守及士氣頑抗，因此佢哋入球一直偏少，相信今仗都唔會例外。面對AC米蘭來犯，薩格勒布戴拿模勢必死守，今場開出入球細機會高。
