維拉利爾作客例死守 巴塞跌Watt細盤啱數|東方日報
特别贴士
2022-10-28 00:38:33
西甲重頭戲，巴塞隆拿主場迎戰維拉利爾，巴塞近期激戰連場，包括歐聯惡鬥完國際米蘭後，上仗隨即出戰「國家打吡」硬撼皇家馬德里，令球員疲於奔命，遇上踢法硬淨嘅維拉利爾，恐怕要入波並唔容易。維拉利爾作客經常「泊大巴」主守，近5場聯賽作客總入球全開2球或以下，博中位數3.5球嘅入球細比較划算。
（Now632及611周五凌晨3時直播）
近4仗賽事僅1勝
巴塞隆拿近期狀態走下坡，近4場比賽僅曾於主場以1比0小勝切爾達，其餘3場錄得1和2負，包括歐聯主場驚險逼和國際米蘭3比3，上仗聯賽作客1比3不敵皇馬，換言之，巴塞近2場比賽合共失6球，相信教練沙維今仗會着力堵塞防線漏洞，唔會壓得太前，以免前面入埋，唔夠後面輸，小勝都收貨。
至於維拉利爾上仗以2比0擊敗奧沙辛拿，總算結束連續4場聯賽不勝困局，有助振奮士氣。雖然「黃色潛艇」今季成績不及巴塞，但勝在防守穩陣，其中近5場聯賽作客僅失2球，總入球全開2球或以下，包括以2比0擊敗馬體會。維拉利爾今仗造訪魯營球場，應會繼續踢穩守突擊，最好選擇入球細。
