周中快車白禮頓上盤放森捧|東方日報
特别贴士
2022-10-18 19:47:55
英超本周開快車，今日上演兩場中下游大戰，白禮頓對諾定咸森林及水晶宮鬥狼隊。諾定咸森林升班後表現不濟，聯賽10戰只得1勝，只入7球，作客表現更加慘不忍睹，5戰只得1和4負入1球，白禮頓可憑主場之利輕鬆贏波，讓1/1.5球照捧上盤。（Now622周三凌晨2時30分直播）
森林夏天作出巨額投資，與成績不成正比，進攻力量薄弱，作客更加唔掂，但作為投注方向，森林作客就變成相當「吸引」，只要不斷反森林就有錢收。今場森林對手白禮頓表現穩定，即使前領隊樸達離隊，接手嘅迪薩比並無刻意改變作戰風格，球隊保持上乘攻力，今場主場出擊，全取3分係基本要求，隨時可以大勝一場，主W太熱博上盤。
水晶宮鬥狼隊吼半和
至於水晶宮鬥狼隊就睇好半場和，水晶宮近5場全開半場和，而狼隊今季入波板斧欠奉，上場贏森林1比0入嗰一粒，係近4場嘅首個入波，亦係今季踢咗10場聯賽嘅第4球，睇嚟呢場半場都係無乜交收，半場和啱數。（Now621周三凌晨3時15分直播）
